Миллетимиз гъайып олгъанындан, биз эр йыл шаатлар оламыз. Бунынъ себеплери чокъ, амма бириси ве энъ муими эвленювинден башлана! Чокъусы айта ки, севгиде миллет ёкъ, динъ ёкъ. Базылары исе 21 асыргъа атыф этелер. "Мавиле ве Александр", " Эдем ве Марина" бойле чифтлерден айретленемиз. Эльбетте, чокъусы, адет узьре, шимди меннен давалашаджакъ. Амма, келеджекте бойле чифтни не беклей, насыл оларнынъ балалары оладжакъ, сиз бир кере тюшюндинъизми? Бойле къоранталарда бизим динъимиз, тилимиз, адетлеримиз, миллетнинъ кечкени унутылгъаныны, гъайып олгьаныны сиз асыл коресиз? Не ичюн динъни яздым, чюнки базы къоранталар бар, анасы славян олса, эр кезден гизли оларакъ, балаларны вафтиз этелер, бабасы исе бир шей дуймайып, меним балаларым мусульманлар деп, беллей. Я бельки къызларгъа рус огъланларгъа акъайгъа чыкъмакъ къолай, чюнки олар къыскъа антер киймек, наргиле (кальян) ичмек ве буны эпсини джанлы яйынгъа чыкъармакъ, беденде ресимлер чызмакъ ве оларны косьтермеге рухсет берелер?
Эгер шимди бизим генчлеримиз озьлерини ойле тута, келеджекте яш несилимизден нелер беклейик?
Эльбетте, бизим йигитлеримизден, къызларымыздан арасында чокъ ляйыкъ орьнеклер бар ве оларгъа такълит этмек мумкюн ве керек. Амма, меним истегим бойледир, ки ляйыкъ орьнекли ве такълит олгъанлы бутюн миллетим олсун.
Ин ша Аллах 🙏💖
